Matxismo-19
Enkargu hau indarkeria matxistari buruzko sentsibilizazio-kanpaina batean egin nuen diseinua izan zen. Proiektuaren funtsa etxez etxe banatuko zen oihalezko poltsa bat diseinatzea zen.
Emakumeen aurkako indarkeria gaitzesteko jarreraren ikurra den puntu morea oinarritzat hartuta, eta pandemiaren eraginez une hartan bizi izaten ari ginen guztiarekin, Covid-19a matxismoarekin lotzeko ideia sortu zitzaidan.
Musukoa daraman eta puntu morea irudikatzen duen afro erako ilea duen emakumea da irudi nagusia, eta mundu osoko emakumeei eragiten dien indarkeria matxistari buruz hausnartzera bultzatzen gaitu. Horregatik, emakume askorentzako hilgarria den pandemia globalari buruzkoa da testua.
